Iwwer d'Liga 1 Foyer Terres Rouges:
An der Liga 1 Foyer Terres Rouges fueren déi bescht Fuerer aus der LFR. D'Fuerer mussen sech hei all Saison op een néits beweisen, dass se zu deene beschte Fuerer am Land gehéieren.

Vue dass den Niveau sou héich ass kennt et hei op all Punkt un, fir an der éischter Liga ze bléiwen. Déi dräi lescht an der Fuerertabell mussen um Enn vun der Saison hier Platz an der éischter Liga raumen a mussen sech an der Liga 2 erëm beweisen, fir opzesteigen. Lëtzebuerger Champion kann nëmmen Ee ginn an de Konkurrenzkampf ass grouss, sou dass hei an all Course Spëtzesport vum feinste gewise gëtt.

Verfollegt eis Fuerer all Méinden um 20:15 op eisem Youtube  Kanal am Livestream!